អ្នកនាំពាក្យប៉ូលិសអំពាវនាវឲ្យប្រជាពលរដ្ឋមានជំនឿលើសមត្ថកិច្ចរឿងឃាតកម្មលើលោកកែម ឡី
15-July-2016 | ដោយ មែន កំសត់
ភ្នំពេញ៖ អ្នកនាំពាក្យអគ្គស្នងការនគរបាលជាតិ បានអំពាវនាវឲ្យប្រជាពលរដ្ឋ និងមជ្ឈដ្ឋានផ្សេងៗ មានជំនឿលើអាជ្ញធរមានសមត្ថកិច្ច ក្នុងករណីស៊ើបអង្កេតស្រាវជ្រាវវែកមុខអ្នកនៅពីក្រោយខ្នង រួមទាំងអ្នកពាក់ព័ន្ធផ្សេងទៀត ក្នុងអំឡុងពេលឃាតកម្មបាញ់សម្លាប់លើរូបលោកបណ្ឌិតកែម ឡី អ្នកវិភាគដ៏ល្បីល្បាញនៅកម្ពុជា។
ចំពោះករណីឃាតកម្មនេះ ក្រុមអង្គការសង្គមស៊ីវិលមួយចំនួន រួមទាំងគណបក្សប្រឆាំង បានទាមទារឱ្យបរទេសចូលរួមក្នុងការស៊ើបអង្កតលើការបាញ់សម្លាប់លោក បណ្ឌិត កែម ឡី កាលពីថ្ងៃទី១០ ខែកក្កដា ឆ្នាំ២០១៦ នៅស្តារម៉ាត ស្ថានីយ៍ប្រេងឥន្ធនៈកាល់តិចស្តុបបូកគោ។
ឯកឧត្តម នាយឧត្តមសេនីយ៍ គៀត ច័ន្ទថារិទ្ធ អគ្គស្នងការរងនគរបាលជាតិ និងជាអ្នកនាំពាក្យ បានបញ្ជាក់ថា កម្ពុជា គឺជាប្រទេសឯករាជ្យ និងអធិបតេយ្យមួយដែលមិនអាចរណបអ្នកណាឡើយ។ ដូច្នេះយន្តការ និងប្រតិបត្តិការរបស់ស្ថាប័នជាតិ គឺជារឿងគួរឲ្យមោទនភាព។ ករណីឃាតកម្មលើរូបលោកកែម ឡី នេះក៏ជាការឈឺចាប់ និងមានការសោកស្តាយរបស់ប្រជាពលរដ្ឋខ្មែរ រួមទាំងនគរបាលផងដែរ ហើយក៏ជាករណីប៉ះពាល់ដល់កិត្តយសរបស់សមត្ថកិច្ចនគរបាលថែមទៀត។
អ្នកនាំពាក្យអគ្គស្នងការនគរបាលជាតិ បានបញ្ជាក់ទៀតថា កងកម្លាំងនគរបាល បាននិងកំពុងធ្វើកិច្ចប្រតិបត្តិការយ៉ាងសកម្មក្នុងការស្រាវជ្រាវ វែកមុខឃាតករនិងអ្នកពាក់ព័ន្ធ ដើម្បីរកយុត្តិធម៌ជូនជនរងគ្រោះ ក៏ដូចជាការលើស្ទួយកិត្តិយសនគរបាលជាតិ៕
ចំនួនអ្នកទស្សនា
- ថ្ងៃនេះ4601
- ម្សិលមិញ12101
- សប្តាហ៍នេះ16711
- ខែនេះ131861
- ឆ្នាំនេះ131861
- សរុប20574317